شروَان
حضرت ”شروان“ بھی تشریف لے گئے حسب عادت کریمہ ایک مسجد میں قیام فرمایا۔ اس دن وہاں بڑی برفباری ہوئی تھی جس کی وجہ سے شدید سردی پڑرہی تھی، رات کے وقت کمال جوگی کو پاخانہ کی حاجت ہوئی مسجد کے باہر ایک جگہ بیٹھ گئے، سردی کی وجہ سے جسم میں حس وحرکت ختم ہوگئی اوراسی جگہ بیٹھے ہی رہ گئے۔ حضرت اس وقت وضوکر رہے تھے۔ آپ کو اچانک غیرمعمولی سردی محسوس ہوئی۔جسم ٹھنڈا ہوگیا۔ لوگوں کو بڑی حیرت ہوئی کہ آگ جل رہی ہے، کمرہ بھی بند ہے اور حضرت گرم کپڑے بھی پہنے ہو ئے ہیں اس کے باوجود آپ کو اتنی سردی کیوں محسوس ہورہی ہے؟ ان میں سے ایک صاحب کشف بزرگ نے کہا۔ حضرت اپنے کسی خادم کی تکلیف سے اس قدر پریشان ہیں،حضرت پراتنا شدید سردی کا اثربے معنیٰ نہیں ہوسکتا۔ ہمراہیوں کو دیکھا گیا تو معلوم ہوا کہ کمال جوگی نہیں ہیں، لوگ ان کی تلاش میں نکل پڑے۔ دیکھا تو ایک جگہ برف میں ڈھکے پڑے ہیں، لوگ انھیں اٹھاکر لائے، آگ جلائی گئی اور ان کو طرح گرمی پہونچائی گئی۔ جیسے جیسے ان کے جسم سے برف کی ٹھنڈک کا اثر ختم ہوتا تھا اور ان کی حالت سنبھلنے لگی حضرت کوٹھنڈک کا احساس کم ہونے لگا، اورجسم میں گرمی آنے لگی، جب کمال بالکل ٹھیک ہو گئے تو حضرت بی بحال ہو گئے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972